<妖言惑眾>人氣十足, 個個主持各具風格, 各有專長, 風雨雷電加埋簡直所向披靡, 絕對係神秘學界網台界既奇葩組合....(下刪一百字)千祈唔好話我擦鞋, 句句真心! 難得四個人逼埋一個直播室做節目, 都無為咗邊個坐中間, 邊個批到邊個既踭, 邊個講多D講少D而不和....第一次同佢地玩CROSSOVER, 好過癮, 尤其見到阿KEN好認真做準備個樣, 真係好正....平時我不問世事, 網台係咩世界都唔係好知, 連外面比人講緊好話壞話都不聞不問, 佢地過咗好多料同鼓勵我, 絕無妖言惑我...自資攪網台節目如攀險峰, 一跣腳一手軟一分神就粉身碎骨無仇報, 死亡率極高, 卓飛一句: 「頂住」, 一個同路人既共勉之眼神, 銘記於心~~各位東粉, 請支持妖言惑眾! 各位妖精(係咪咁叫?), 請支持東頭!!請支持以誠意製作的所有網台節目!!謝謝!!今晚十一點www.radio99.tv見!
Search